Thursday, April 15, 2021

15. Kha-piⁿ nn̄g-chiah ia̍h-á poe khí-lâi | 跤邊兩隻蝶仔飛起來

15. Kha-piⁿ nn̄g-chiah ia̍h-á poe khí-lâi

M̄-koh, lâi kàu kheh-chàn mûi-kháu, khòaⁿ tio̍h āu-soaⁿ chheⁿ-hio̍h só͘ sàn-hoat ê khì-hun, Shimamura sûi hō͘ khip-ín tio̍h, tō saⁿ-pō͘ chò nn̄g-pō͘ cháu-khì peh-soaⁿ.

I chhiò kah tòng-bē-tiâu, m̄-chai sī ū sáⁿ hó-chhiò ê.

Tán i lio̍h-á thiám ê sî, i sûi oa̍t-sin, kā kimono saⁿ-ki seh tī io-tòa, kín-kín cháu lo̍h-soaⁿ, kha-piⁿ ū nn̄g-chiah ûiⁿ-sek ê ia̍h-á poe khí-lâi. 

Ia̍h-á poe koân-koân, poe kah pí pian-kài ê soaⁿ koh-khah koân, ûiⁿ-sek chiām-chiām piàn pe̍h, lú poe lú hūiⁿ.

"Lí sī án-nóa lah?" Cha-bó͘ khiā tī sam-á-nâ ê ńg ē-bīn, kóng:

"Chhiò kah hiah hoaⁿ-hí!"

"Bián ah lah." Shimamura iū-koh bô-tāi-bô-chì khí ài-chhiò:

"Góa m̄-bián ah lah."

"Án-ne oh?"

Yi oa̍t-sin, bān-bān kiâⁿ-ji̍p chhiū-nâ. I tiām-tiām tòe leh.

Hia ū chi̍t-ê sîn-siā. Cha-bó͘ tī chhiūⁿ chheⁿ-thî ê chio̍h-káu piⁿ ê chi̍t-lia̍p pêⁿ-pêⁿ ê chio̍h-thâu chē lo̍h-lâi.

"Chia siāng-kài liâng. Tī la̍k-goe̍h-thiⁿ, chia ê hong mā liâng sih-sih."

"Chia ê gē-tòaⁿ lóng chhiūⁿ án-ne hioh?"

"Lóng chha-put-to lah. Khah ū-hòe ê, ū chin súi ê." Yi léng-léng kā ìn, ba̍k-chiu khòaⁿ thô͘-kha. Yi ê ām-kún ká-ná hoán-siā tio̍h sam-á-chhiū ê àm-le̍k-sek.

Shimamura gia̍h-thâu khòaⁿ sam-á ê chhiū-bóe.

"Í-keng hó-sè ah. Góa ê thé-la̍t lóng siau khì ah. Chiâⁿ chhù-bī."

He sam-á koân kah nā bô kā chhiú thèⁿ tī āu-piah ê tōa chio̍h-thâu koh heng-khám tò-àⁿ, sī khòaⁿ bē tio̍h chhiū-bóe ê. Jî-chhiáⁿ, chhiū-kut ti̍t long-long, àm-le̍k ê chiam-hio̍h jia tio̍h thiⁿ, sì-kè tiām chiuh-chiuh. Shimamura kha-chiah-phiaⁿ khò tio̍h chit-châng, sī tiong-kan siāng lāu ê chi̍t-châng. M̄-chai án-ná, pak-hiòng ê oe kàu chhiū-bóe lóng ta khì, tūiⁿ-khì ê oe, bóe chiam-chiam, ná-chhiūⁿ tò-chhah tī chhiū-kut ê khi̍t-á, bē-su sáⁿ-mih hiong-sîn ê bú-khì.

--

15. 跤邊兩隻蝶仔飛起來

毋過, 來到客棧 mûi 口, 看著後山青葉所散發 ê 氣氛, Shimamura 隨予吸引著, tō 三步做兩步走去 peh 山.

伊笑 kah 擋袂牢, 毋知是有啥好笑 ê.

等伊略仔忝 ê 時, 伊隨越身, kā kimono 衫裾 seh tī 腰帶, 緊緊走落山, 跤邊有兩隻 ûiⁿ 色 ê 蝶仔飛起來. 

蝶仔飛懸懸, 飛 kah 比邊界 ê 山閣較懸, ûiⁿ 色漸漸變白, lú 飛 lú hūiⁿ.

"你是 án-nóa lah?" 查某徛 tī 杉仔林 ê 蔭下面, 講:

"笑 kah hiah 歡喜!"

"免 ah lah." Shimamura 又閣無代無誌起愛笑:

"我毋免 ah lah."

"Án-ne oh?"

她越身, 慢慢行入樹林. 伊恬恬綴 leh.

遐有一个神社. 查某 tī chhiūⁿ 青苔 ê 石狗邊 ê 一粒平平 ê 石頭坐落來.

"遮上蓋涼. Tī 六月天, 遮 ê 風 mā 涼 sih-sih."

"遮 ê 藝旦攏像 án-ne hioh?"

"攏差不多 lah. 較有歲 ê, 有真媠 ê." 她冷冷 kā 應, 目睭看塗跤. 她 ê 頷頸 ká-ná 反射著杉仔樹 ê 暗綠色.

Shimamura 攑頭看杉仔 ê 樹尾.

"已經好勢 ah. 我 ê 體力攏消去 ah. 誠趣味."

He 杉仔懸 kah 若無 kā 手 thèⁿ tī 後壁 ê 大石頭 koh 胸坎倒 àⁿ, 是看袂著樹尾 ê. 而且, 樹骨直 long-long, 暗綠 ê 尖葉 jia 著天, 四界恬 chiuh-chiuh. Shimamura 尻脊骿靠著這叢, 是中間上老 ê 一叢. 毋知 án-ná, 北向 ê 椏到樹尾攏焦去, tūiⁿ 去 ê 椏, 尾尖尖, ná 像倒插 tī 樹骨 ê 杙仔, 袂輸啥物凶神 ê 武器.

--

15.

But at the door of the inn he was seduced by the mountain, strong with the smell of new leaves. He started climbing roughly up it.

He laughed on and on, not knowing himself what was funny.

When he was pleasantly tired, he turned sharply around and, tucking the skirts of his kimono into his obi, ran headlong back down the slope. Two yellow butterflies flew up at his feet.

The butterflies, weaving in and out, climbed higher than the line of the Border Range, their yellow turning to white in the distance.

"What happened?" The woman was standing in the shade of the cedar trees. "You must have been very happy, the way you were laughing."

"I gave it up." Shimamura felt the same senseless laugh rising again. "I gave it up."

"Oh?" She turned and walked slowly into the grove. Shimamura followed in silence.

It was a shrine grove. The woman sat down on a flat rock beside the moss-covered shrine dogs.

"It's always cool here. Even in the middle of the summer there's a cool wind."

"Are all the geisha like that?"

"They're all a little like her, I suppose. Some of the older ones are very attractive, if you had wanted one of them." Her eyes were on the ground, and she spoke coldly. The dusky green of the cedars seemed to reflect from her neck.

Shimamura looked up at the cedar branches. "It's all over. My strength left me-really, it seems very funny."

From behind the rock, the cedars threw up their trunks in perfectly straight lines, so high that he could see the tops only by arching his back. The dark needles blocked out the sky, and the stillness seemed to be singing quietly. The trunk against which Shimamura leaned was the oldest of all. For some reason all the branches on the north side had withered, and, their tips broken and fallen, they looked like stakes driven into the trunk with their sharp ends out, to make a terrible weapon for some god.

--


Wednesday, April 14, 2021

14. Lú-tiong kiò chi̍t-ê chng-kha gē-tòaⁿ | 女中叫一个庄跤藝旦

14. Lú-tiong kiò chi̍t-ê chng-kha gē-tòaⁿ

Shimamura tùi ka-tī mūi chit-lō sam-pat būn-tê kám-kak hó-chhiò. Iū-koh siūⁿ: chit-ê soaⁿ-chng hoān-sè chin-chiàⁿ ū chit-chióng tāi-chì mā bô tiāⁿ-tio̍h.

Êng-êng bô-sū ê i, phō chi̍t-ê tui-kiû tōa-chū-jiân hām pó-hō͘-sek ê sim, tùi lí-tô͘ tiong múi chi̍t-ê só͘-chāi ê hong-thó͘ bîn-chêng, i lóng ū chit-chióng pún-lêng ê bín-kám. Ùi soaⁿ-téng lo̍h-lâi ê sî, hūiⁿ-hūiⁿ khòaⁿ chit-ê chng-kha phok-si̍t ê kéng-tì, i sûi kám-siū tio̍h chi̍t-chióng chheng-êng, an-chēng ê khì-hun. Tī kheh-chàn thàm-thiaⁿ chi̍t-ē, kó-jiân, chia sī Seh-kok seng-oa̍h siāng sù-sī kî-tiong ê chi̍t-ê chng-thâu. 

Thiaⁿ-kóng tī kúi-tang chêng thih-lō͘ iáu-bōe khai-thong ê sî, chia sī chò-sit-lâng ê liâu-iáng e̍k-tiûⁿ. Ū gē-tòaⁿ ê tiàm lóng kòa liāu-lí tiàm a̍h âng-tāu-thng tiàm téng-téng í-keng thè-sek ê mûi-lî-á. Khòaⁿ he kó͘-ló͘-sō͘-kó͘, hun kah o͘-o͘-o͘ ê thoah-mûi, lâng it-tēng hoâi-gî, chit-chióng só͘-chāi kám ū kò͘-kheh. Só͘-í, cha̍p-hòe-á tiàm a̍h thn̂g-á-piáⁿ tiàm lóng kan-ta chhiàⁿ chi̍t-ê gē-tòaⁿ niā-niā, chiah-ê tiàm thâu-ke tî-liáu keng-êng i ê tiàm, ká-ná mā tio̍h kiam chhân-hûiⁿ ê khang-khòe. Hoān-sè in-ūi yi sī sai-hū chhù ê ko͘-niû, sui-jiân sī bô chip-chiàu ê ko͘-niû, ū-sî khì iàn-hōe tàu-kha-chhiú, mā bô gē-tòaⁿ ē chhōe mâ-hoân.

"Án-ne, tàu-té ū gōa-chē ê?"

"Gē-tòaⁿ? tāi-khài cha̍p-jī/saⁿ ê."

"Tá-chi̍t-ê khah hó?" Shimamura khiā khí-lâi, khì chhi̍h lêng-á.

"Góa boeh lâi túiⁿ ah, hoⁿh?"

"Lí iáu m̄-thang túiⁿ."

"Boaih lah." Cha-bó͘ ká-ná boeh siám-khui khut-jio̍k, kóng:

"Góa lâi túiⁿ. Bô iàu-kín, góa bē kè-kàu sáⁿ lah. Góa ē koh-lâi." 

M̄-koh, khòaⁿ tio̍h lú-tiong ê sî, yi iū ná bô-sū, koh chē hó-hó tī hia. Lú-tiong kúi-ā kái mūi kóng boeh kiò sáng, yi lóng bô chí-miâ.

Put-jî-kò, kòe chi̍t-ē-á chi̍t-ê cha̍p-chhit/peh hòe ê gē-tòaⁿ tō ji̍p-lâi ah. Shimamura chi̍t khòaⁿ tio̍h yi, lo̍h-soaⁿ ji̍p-chng ê sî hit-chióng giàn cha-bó͘ ê hèng-chhù sûi tō hoa khì. Yi he o͘-té ê chhiú-kut ta-sán, lâng kó͘-ì, khòaⁿ-tio̍h iáu sī gín-á khoán. Shimamura chīn-liāng bô hián-chhut sit-bōng ê gán-sîn, ǹg gē-tòaⁿ hia khòaⁿ kòe-khì, si̍t-chè sī hō͘ yi āu-piah thang-á gōa hit-phiàn chheⁿ-chhùi ê soaⁿ-kéng só͘ khip-ín. I liân ōe to lán-lih kóng ah. Si̍t-chāi sī soaⁿ-chng ê gē-tòaⁿ bô m̄-tio̍h. 

Shimamura ba̍k-thâu kat-kat bô kóng-ōe, cha-bó͘ khòaⁿ pān-sè tō khiā khí-lâi, tiām-tiām kiâⁿ chhut-khì, chhun i hām gē-tòaⁿ nn̄g-lâng, koh-khah bô ōe hó kóng. Sui-jiân án-ne, i hām gē-tòaⁿ tī hia tō͘ chha-put-to chi̍t-tiám-cheng, tō siūⁿ khòaⁿ ū sáⁿ hoat-tō͘ kā sàng-cháu. I siūⁿ tio̍h ū chi̍t-tiuⁿ tiān-pò ê hōe-phiò, tio̍h kóaⁿ sî-kan khì iû-kio̍k niá. Chū án-ne, i hām gē-tòaⁿ tâng-chê kiâⁿ chhut pâng-keng.

--

14. 女中叫一个庄跤藝旦

Shimamura 對家治 mūi chit-lō 三八問題感覺好笑. 又閣想: 這个山庄凡勢真正有這種代誌 mā 無定著.

閒閒無事 ê 伊, 抱一个追求大自然和保護色 ê 心, 對旅途中每一个所在 ê 風土民情, 伊攏有這種本能 ê 敏感. Ùi 山頂落來 ê 時, hūiⁿ-hūiⁿ 看這个庄跤樸實 ê 景致, 伊隨感受著一種清閒, 安靜 ê 氣氛. Tī 客棧探聽一下, 果然, 遮是雪國生活上四序其中 ê 一个庄頭. 

聽講 tī 幾冬前鐵路猶未開通 ê 時, 遮是做穡人 ê 療 iáng 浴場. 有藝旦 ê 店攏掛料理店 a̍h 紅豆湯店等等已經退色 ê mûi 簾仔. 看 he kó͘-ló͘-sō͘-kó͘, 薰 kah 烏烏烏 ê 挩 mûi, 人一定懷疑, 這種所在敢有顧客. 所以, 雜貨仔店 a̍h 糖仔餅店攏干焦倩一个藝旦 niā-niā, chiah-ê 店頭家除了經營伊 ê 店, ká-ná mā 著兼田 hûiⁿ ê 工課. 凡勢因為她是師傅厝 ê 姑娘, 雖然是無執照 ê 姑娘, 有時去宴會鬥跤手, mā 無藝旦會揣麻煩.

"Án-ne, 到底有偌濟个?"

"藝旦? 大概十二三个."

"Tá 一个較好?" Shimamura 徛起來, 去揤鈴仔.

"我欲來 túiⁿ ah, hoⁿh?"

"你猶毋通 túiⁿ."

"Boaih lah." 查某 ká-ná 欲閃開屈辱, 講:

"我來 túiⁿ. 無要緊, 我袂計較 sáⁿ lah. 我會 koh 來." 

毋過, 看著女中 ê 時, 她又 ná 無事, koh 坐好好 tī 遐. 女中幾 ā 改 mūi 講欲叫 sáng, 她攏無指名.

不而過, 過一下仔一个十七八歲 ê 藝旦 tō 入來 ah. Shimamura 一看著她, 落山入庄 ê 時彼種癮查某 ê 興趣隨 tō hoa 去. 她 he 烏底 ê 手骨焦瘦, 人古意, 看著猶是囡仔款. Shimamura 盡 liāng 無顯出失望 ê 眼神, ǹg 藝旦遐看過去, 實際是予她後壁窗仔外彼遍青翠 ê 山景所吸引. 伊連話 to 懶 lih 講 ah. 實在是山庄 ê 藝旦無毋著. 

Shimamura 目頭結結無講話, 查某看扮勢 tō 徛起來, 恬恬行出去, 賰伊和藝旦兩人, 閣較無話好講. 雖然 án-ne, 伊和藝旦 tī 遐度差不多一點鐘, tō 想看有啥法度 kā 送走. 伊想著有一張電報 ê 匯票, 著趕時間去郵局領. 自 án-ne, 她和藝旦同齊行出房間.

--

14.

Shimamura smiled wryly at the foolishness of his question. In a mountain village, though, the arrangements between a geisha and her keeper might indeed still be so easygoing. . . .

Perhaps with the idler's bent for protective coloring, Shimamura had an instinctive feeling for the spirit of the places he visited, and he had felt as he came down from the mountains that, for all its air of bare frugality, there was something comfortable and easy about the village. He heard at the inn that it was indeed one of the more comfortable villages in this harsh snow country. 

Until the railway was put through, only very recently, it had served mainly as a medicinal spring for farmers in the area. The house that kept geisha would generally have a faded shop curtain that advertised it as a restaurant or a tearoom, but a glance at the old-style sliding doors, their paper panels dark with age, made the passer-by suspect that guests were few. The shop that sold candy or everyday sundries might have its one geisha, and the owner would have his small farm besides the shop and the geisha.

Perhaps because she lived with the music teacher, there seemed to be no resentment at the fact that a woman not yet licensed as a geisha was now and then helping at parties.

"How many are there in all?"

"How many geisha? Twelve or thirteen, I suppose."

"Which one do you recommend?" Shimamura stood up to ring for the maid.

"You won't mind if I leave now."

"I mind very much indeed."

"I can't stay." She spoke as if trying to shake off

the humiliation. "I'm going. It's all right. I don't mind. I'll come again."

When the maid came in, however, she sat down as though nothing were amiss. The maid asked several times which geisha she should call, but the woman refused to mention a name.

One look at the seventeen- or eighteen-year-old geisha who was presently led in, and Shimamura felt his need for a woman fall dully away. Her arms, with their underlying darkness, had not yet filled out, and something about her suggested an unformed, good-natured young girl. Shimamura, at pains not to show that his interest had left him, faced her dutifully, but he could not keep himself from looking less at her than at the new green on the mountains behind her. It seemed almost too much of an effort to talk. She was the mountain geisha through and through. 

He lapsed into a glum silence. No doubt thinking to be tactful and adroit, the woman stood up and left the room, and the conversation became still heavier. Even so, he managed to pass perhaps an hour with the geisha. Looking for a pretext to be rid of her, he remembered that he had had money telegraphed from Tokyo. He had to go to the post office before it closed, he said, and the two of them left the room.

--


Tuesday, April 13, 2021

13. Chò pêng-iú chiah ē kú-tn̂g | 做朋友才會久長

13. Chò pêng-iú chiah ē kú-tn̂g

Chiah-ê iú-koan Ji̍t-pún bú-tō ê ōe, hō͘ cha-bó͘ tùi i chhin-kīn, ē-sái kóng, sī i chiah-ê tì-sek, kú-nî liáu-āu tī hiān-si̍t tiong ê lō͘-iōng. M̄-koh, Shimamura ka-tī mā m̄-chai, hoān-sè i mā ná-chhiūⁿ tùi-thāi Se-iûⁿ bú-tō án-ne, tih khòaⁿ chit-ê cha-bó͘.

In-ūi án-ne, i kám-kak ka-tī lí-tô͘ tiong chiah-ê tām-po̍h ai-chhiû ê ōe, ká-ná chhiok-tāng tio̍h yi seng-oa̍h tiong ê khó͘-thàng, soah khí pháiⁿ-sè, ká-ná ka-tī tih khi-phiàn yi.

"Nā án-ne, āu-pái góa tō chhōa chhù lih ê lâng lâi, thang hām lí hó-hó thit-thô."

"Hmh, hit-lō tāi-chì góa chiâⁿ chheng-chhó lah." Cha-bó͘ bî-bî-á-chhiò, siaⁿ-im ah-kē kóng, koh sió-khóa hián-chhut gē-tòaⁿ ê bô͘-iūⁿ, kóng:

"Góa mā khah kah-ì án-ne, chò-pêng-iú chiah ē kú-tn̂g."

"Án-ne, lí thè góa kiò chi̍t-ê."

"Taⁿ?"

"Hmh."

"Kiaⁿ tio̍h. Tng-thâu-pe̍h-ji̍t hām cha-bó͘ ū sáⁿ hó kóng ê?"

"Góa bô-ài lâng kéng chhun ê."

"Lí án-ne kóng, bē-su chit-ê un-chôaⁿ e̍k-tiûⁿ sī thàn tōa-chîⁿ ê só͘-chāi; m̄-sī án-ne lah. Kan-ta khòaⁿ chng lih ê khoán, lí kám bē bêng-pe̍k?"

Cha-bó͘ ê kháu-khì giâm-siok koh hùn-khài, koh it-chài kiông-tiāu chia bô hit-chióng cha-bó͘. Shimamura piáu-sī hoâi-gî. Cha-bó͘ khí chèng-keng, m̄-koh yi thè chi̍t-pō͘ kóng: boeh chò bô, tio̍h khòaⁿ gē-tòaⁿ ka-tī, tòa gōa-kháu nā bô sū-sian kā tiàm-thâu-ke kóng, án-ne gē-tòaⁿ tio̍h ka-tī hū-chek, hiō-kó án-nóa tiàm-thâu-ke bô koán. M̄-koh, nā ū sū-sian kā tiàm-thâu-ke kóng, he tō sī i ê chek-jīm, í-āu i ē chiàu-kò͘ lí kàu té. Chha-pia̍t tī chia.

"Chek-jīm sī chí sáⁿ?"

"Tō sī ū gín-á, a̍h sī sin-thé pìⁿ pháiⁿ chit-lūi ê tāi-chì."

--

13. 做朋友才會久長

Chiah-ê 有關日本舞蹈 ê 話, 予查某對伊親近, 會使講, 是伊 chiah-ê 智識, 久年了後 tī 現實中 ê 路用. 毋過, Shimamura 家治 mā 毋知, 凡勢伊 mā ná 像對待西洋舞蹈 án-ne, tih 看這个查某.

因為 án-ne, 伊感覺 ka-tī 旅途中 chiah-ê 淡薄哀愁 ê 話, ká-ná 觸動著她生活中 ê 苦痛, 煞起歹勢, ká-ná 家治 tih 欺騙她.

"若 án-ne, 後擺我 tō chhōa 厝 lih ê 人來, thang 和你好好 thit-thô."

"Hmh, hit-lō 代誌我誠清楚 lah." 查某微微仔笑, 聲音壓低講, koh 小可顯出藝旦 ê 模樣, 講:

"我 mā 較佮意 án-ne, 做朋友才會久長."

"Án-ne, 你替我叫一个."

"今?"

"Hmh."

"驚著. 當頭白日和查某有啥好講 ê?"

"我無愛人揀賰 ê."

"你 án-ne 講, 袂輸這个溫泉浴場是趁大錢 ê 所在; 毋是 án-ne lah. 干焦看庄 lih ê 款, 你敢袂明白?"

查某 ê 口氣嚴肅 koh 憤慨, koh 一再強調遮無彼種查某. Shimamura 表示懷疑. 查某起正經, 毋過她退一步講: 欲做無, 著看藝旦家治, 蹛外口若無事先 kā 店頭家講, án-ne 藝旦著家治負責, 後果 án-nóa 店頭家無管. 毋過, 若有事先 kā 店頭家講, he tō 是伊 ê 責任, 以後伊會照顧你到底. 差別 tī 遮.

"責任是指啥?"

"Tō 是有囡仔, a̍h 是身體 pìⁿ 歹這類 ê 代誌."

--

13.

It might be said that his knowledge was now for the first time in a very great while being put to use, since talk of the dance helped bring the woman nearer to him; and yet it was also possible that, hardly knowing it, he was treating the woman exactly as he treated the occidental dance.

He felt a little guilty, as though he had deceived her, when he saw how the frivolous words of the traveler who would be gone tomorrow seemed to have struck something deep and serious in the woman's life.

But he went on: "I can bring my family here, and we can all be friends."

"I understand that well enough." She smiled, her voice falling, and a touch of the geisha's playfulness came out. "I'd like that much better. It lasts longer if you're just friends."

"You'll call someone, then?"

"Now?"

"Now."

"But what can you say to a woman in broad daylight?"

"At night there's too much danger of getting the dregs no one else wants."

"You take this for a cheap hot-spring town like any other. I should think you could tell just from looking at the place." Her tone was sober again, as though she felt thoroughly degraded. She repeated with the same emphasis as before that there were no girls here of the sort he wanted. When Shimamura expressed his doubts, she flared up, then retreated a step. It was up to the geisha whether she would stay the night or not. If she stayed without permission from her house, it was her own responsibility. If she had permission the house took full responsibility, whatever happened. That was the difference.

"Full responsibility?"

"If there should happen to be a child, or some sort of disease."

--


Monday, April 12, 2021

12. I him-sióng khang-siūⁿ ê bú-tō | 伊欣賞空想 ê 舞蹈

12. I him-sióng khang-siūⁿ ê bú-tō͘

M̄-koh, i mā bô kóng pe̍h-chha̍t. Chāi i khòaⁿ, chit-ê cha-bó͘ sī sò͘-jîn. Nā-chún tih giàn cha-bó͘, i mā bē kiû chit-ê cha-bó͘. Hit-lō tāi-chì i kan-tan tō ē-tàng kái-koat koh bô chōe-ok-kám. Yi siuⁿ-kòe sûn-kiat lah. Chho͘-kìⁿ-bīn, i tō kā hit-lō tāi-chì hām yi hun-khui ah-lah.

Jî-chhiáⁿ, hit-sî i iáu-bōe koat-tēng boeh khì tá-ūi heⁿh-joa̍h, chiah ē siūⁿ-kóng, sī-m̄-sī chhōa chhù lih ê lâng lâi chit-ê un-chôaⁿ-e̍k-tiûⁿ. Nā án-ne, ka-chài ū chit-ê sò͘-jîn, in khan-chhiú tō ē-tàng ū lâng pôe-phōaⁿ, bô-liâu ê sî mā ē-tàng o̍h thiàu chi̍t-ē-á bú. I bat án-ne jīn-chin khó-lī kòe. Sui-jiân i tùi yi chûn-chāi chi̍t-chióng iú-chêng, m̄-koh i iáu-sī liâu-kòe he iú-chêng ê chhián-thoaⁿ.

Tong-jiân, tī chia hoān-sè mā ū Shimamura khòaⁿ hông-hun kéng-tì ê kiàⁿ. I m̄-nā bô-ài hām chit-ê sin-hūn bô bêng-khak ê cha-bó͘ kin-ká-kô, jî-chhiáⁿ koh-khah tiōng-iàu ê sī, hoān-sè i ū chi̍t-chióng bô-hiān-si̍t ê siūⁿ-hoat, tō ná-chhiūⁿ i tī hông-hun hóe-chhia thang-á po-lê khòaⁿ tio̍h hit-ê ko͘-niû ê bīn kāng-khoán.

I tùi Se-iûⁿ bú-tō ê hèng-chhù mā sī án-ne. Shimamura sī tī Tokyo chhī-khu tōa-hàn ê, chū sè-hàn tō se̍k-sāi kabuki, ha̍k-seng sî-tāi ê hèng-chhù phian hiàng Ji̍t-pún bú-tō hām bú-kio̍k. Chū-án-ne, nā bô hut kah se̍k-chhiú i bē pàng-chhiú, tō khì chhâ kó͘-chá ê kì-lo̍k, cháu khì pài-hóng kok liû-phài ê sai-hū, āu-lâi iū-koh bat-tio̍h Ji̍t-pún bú-tō ê sin-lâng, sīm-chì mā siá gián-kiù a̍h phe-phêng ê bûn-chiuⁿ. 

In-ūi án-ne, tùi Ji̍t-pún bú-tō ê bô chìn-pō͘, tùi chū-ngó͘ tiong-sim ê sin chhì-giām, i chū-jiân sī kám-kak tōa-tōa ê put-boán. M̄-nā án-ne, i koh kám-kak, tio̍h chhin-sin tâu-ji̍p si̍t-chè ê ūn-tōng chiah ē-sái. Tī siū tio̍h siàu-liân Ji̍t-pún bú-tō-ka ê iau-chhiáⁿ ê sî, i soah iū-koh choán hiàng Se-iûⁿ bú-tō khì. 

I lóng bô koh khòaⁿ Ji̍t-pún bú-tō. Tian-tò sī siu-chi̍p Se-iûⁿ bú-tō ê chheh hām tô͘-phìⁿ, sīm-chì khó͘-sim ùi gōa-kok siu-chi̍p chi̍t-kóa hái-pò a̍h chiat-bo̍k-toaⁿ. Che choa̍t-tùi m̄-sī kan-ta tùi ī-kok a̍h bī-ti ê hòⁿ-kî niā-niā. Tī chia, i só͘ sin hoat-hiān ê lo̍k-thiòng, chāi-tī i ê bē-tàng chhin-ba̍k khòaⁿ tio̍h Se-iûⁿ-lâng ê bú-tō. Ùi Shimamura chiông-lâi m̄ khòaⁿ Ji̍t-pún-lâng thiàu Se-iûⁿ bú-tō tō sī chèng-kì. 

Bô pí óa-khò Se-iûⁿ chhut-pán-phín lâi siá Se-iûⁿ bú-tō koh-khah khin-sang ê tāi-chì ah. Bô khòaⁿ kòe ê bú-tō si̍t-chāi sī khang-hi ê mi̍h-kiāⁿ. He m̄-nā sī khang-khak ê ōe, he sī thian-kok ê si. Sui-jiân hō-chò gián-kiù, kî-si̍t sī chhìn-chhái khang-siūⁿ, m̄-sī him-sióng bú-tō-ka seng-tōng bah-thé ê bú-tō gē-su̍t, sī him-sióng ùi Se-iûⁿ gí-giân a̍h siàng-phìⁿ só͘ phû chhut-lâi, ka-tī só͘ khang-siūⁿ ê bú-tō hoàn-iáⁿ. Che bē-su sī hām m̄-bat kìⁿ kòe ê lâng tâm loân-ài. In-ūi i put-sî siá chi̍t-kóa siāu-kài Se-iûⁿ bú-tō ê bûn-chiuⁿ, mā ē-sái sùiⁿ-sī chi̍t-ê bûn-gē-ka. Sui-jiân i ka-tī kám-kak hó-chhiò, m̄-koh che mā hō͘ bô chèng-sek chit-gia̍p ê i tit-tio̍h sim-lêng ê an-ùi. 

--

12. 伊欣賞空想 ê 舞蹈

毋過, 伊 mā 無講白賊. 在伊看, 這个查某是素人. 若準 tih 癮查某, 伊 mā 袂求這个查某. Hit-lō 代誌伊簡單 tō 會當解決 koh 無罪惡感. 她 siuⁿ 過純潔 lah. 初見面, 伊 tō kā hit-lō 代誌和她分開 ah-lah.

而且, 彼時伊猶未決定欲去 tá 位 heⁿh 熱, 才會想講, 是毋是 chhōa 厝 lih ê 人來這个溫泉浴場. 若 án-ne, 佳哉有這个素人, in 牽手 tō 會當有人陪伴, 無聊 ê 時 mā 會當學跳一下仔舞. 伊 bat án-ne 認真考慮過. 雖然伊對她存在一種友情, 毋過伊猶是 liâu 過 he 友情 ê 淺灘.

當然, tī 遮凡勢 mā 有 Shimamura 看黃昏景致 ê 鏡. 伊毋但無愛和這个身份無明確 ê 查某 kin-ká-kô, 而且閣較重要 ê 是, 凡勢伊有一種無現實 ê 想法, tō ná 像伊 tī 黃昏火車窗仔玻璃看著彼个姑娘 ê 面仝款.

伊對西洋舞蹈 ê 興趣 mā 是 án-ne. Shimamura 是 tī Tokyo 市區大漢 ê, 自細漢 tō 熟似 kabuki, 學生時代 ê 興趣偏向日本舞蹈和舞劇. 自 án-ne, 若無拂 kah 熟手伊袂放手, tō 去查古早 ê 記錄, 走去拜訪各流派 ê 師傅, 後來又閣捌著日本舞蹈 ê 新人, 甚至 mā 寫研究 a̍h 批評 ê 文章. 

因為 án-ne, 對日本舞蹈 ê 無進步, 對自我中心 ê 新試驗, 伊自然是感覺大大 ê 不滿. 毋但 án-ne, 伊 koh 感覺, 著親身投入實際 ê 運動才會使. Tī 受著少年日本舞蹈家 ê 邀請 ê 時, 伊煞又閣轉向西洋舞蹈去. 

伊攏無 koh 看日本舞蹈. 顛倒是收集西洋舞蹈 ê 冊和圖片, 甚至苦心 ùi 外國收集一寡海報 a̍h 節目單. 這絕對毋是干焦對異國 a̍h 未知 ê 好奇 niā-niā. Tī 遮, 伊所新發現 ê 樂暢, 在 tī 伊 ê 袂當親目看著西洋人 ê 舞蹈. Ùi Shimamura 從來毋看日本人跳西洋舞蹈 tō 是證據. 

無比倚靠西洋出版品來寫西洋舞蹈閣較輕鬆 ê 代誌 ah. 無看過 ê 舞蹈實在是空虛 ê 物件. 彼 m̄-nā 是空殼 ê 話, 彼是天國 ê 詩. 雖然號做研究, 其實是凊釆空想, 毋是欣賞舞蹈家生動肉體 ê 舞蹈藝術, 是欣賞 ùi 西洋語言 a̍h 相片所浮出來, ka-tī 所空想 ê 舞蹈幻影. 這袂輸是和 m̄-bat 見過 ê 人談戀愛. 因為伊不時寫一寡紹介西洋舞蹈 ê 文章, mā 會使 sùiⁿ 是一个文藝家. 雖然伊 ka-tī 感覺好笑, 毋過這 mā 予無正式職業 ê 伊得著心靈 ê 安慰. 

--

12.

He had not been lying, though. To him this woman was an amateur. His desire for a woman was not of a sort to make him want this particular woman--it was something to be taken care of lightly and with no sense of guilt. This woman was too clean. From the moment he saw her, he had separated this woman and the other in his mind.

Then too, he had been trying to decide where he would go to escape the summer heat, and it occurred to him that he could bring his family to this mountain hot spring. The woman, being fortunately an amateur, would be a good companion for his wife. He might even have his wife take dancing lessons to keep from getting bored. He was quite serious about it. He said he felt only friendship for the woman, but he had his reasons for thus stepping into shallow water without taking the final plunge.

And something like that evening mirror was no doubt at work here too. He disliked the thought of drawn-out complications from an affair with a woman whose posmon was so ambiguous; but beyond that he saw her as somehow unreal, like the woman's face in that evening mirror.

His taste for the occidental dance had much the same air of unreality about it. He had grown up in the merchants' section of Tokyo, and he had been thoroughly familiar with the Kabuki theater from his childhood. As a student his interests had shifted to the Japanese dance and the dance-drama. Never satisfied until he learned everything about his subject, he had taken to searching through old documents and visiting the heads of various dance schools, and presently he had made friends with rising figures in the dance world and was writing what one might call research pieces and critical essays. 

It was but natural, then, that he should come to feel a keen dissatisfaction with the slumbering old tradition as well as with reformers who sought only to please themselves. Just as he had arrived at the conclusion that there was nothing for it but to throw himself actively into the dance movement, and as he was being persuaded to do so by certain of the younger figures in the dance world, he abruptly switched to the occidental dance. 

He stopped seeing the Japanese dance. He gathered pictures and descriptions of the occidental ballet, and began laboriously collecting programs and posters from abroad. This was more than simple fascination with the exotic and the unknown. The pleasure he found in his new hobby came in fact from his inability to see with his own eyes occidentals in occidental ballets. There was proof of this in his deliberate refusal to study the ballet as performed by Japanese. 

Nothing could be more comfortable than writing about the ballet from books. A ballet he had never seen was an art in another world. It was an unrivaled armchair reverie, a lyric from some paradise. He called his work research, but it Was actually free, uncontrolled fantasy. He preferred not to savor the ballet in the flesh; rather he savored the phantasms of his own dancing imagination, called up by Western books and pictures. It was like being in love with someone he had never seen. But it was also true that Shimamura, with no real occupation, took some satisfaction from the fact that his occasional introductions to the occidental dance put him on the edge of the literary world--even while he was laughing at himself and his work.

--


Sunday, April 11, 2021

11. Góa bē chhōe lí chò he lah | 我袂揣你做 he lah

11.  Góa bē chhōe lí chò he lah

"Siàu-liân tō hó. Siàu-liân cha-bó͘ kok hong-bīn lóng khah bē chhut chha-chhò. Mài kāu-ōe kah thó-ià tō hó. Bián siuⁿ khiáu, ài khah chheng-khì-siùⁿ ê. Boeh khai-káng ê sî, góa tō chhōe lí."

"Góa bē koh lâi ah."

"Kóng he sam-pat-ōe."

"Chin ê, bē lâi ah. Lâi chia chhòng-sáⁿ?"

"Góa siūⁿ boeh chheng-chheng pe̍k-pe̍k hām lí kau-pôe, bē chhōe lí chò he lah."

"Kiaⁿ tio̍h."

"Nā hoat-seng hit-chióng tāi-chì, hoān-sè bîn-á-chài tō bē siūⁿ boeh koh khòaⁿ tio̍h lí, mā bô hèng-chhù hām lí khai-káng ah. Ùi soaⁿ-téng lo̍h-lâi chit-ê chng, lân-tit tú-tio̍h lâng, kám-kak chhin-chhiat, góa bē chhōe lí chò he lah. Chóng-kóng, góa sī chi̍t-ê lí-kheh."

"Hmh, án-ne bô m̄-tio̍h."

"Sī ah. Chiū lí lâi kóng, he nā sī lí bô kah-ì ê cha-bó͘, āu-kái tú-tio̍h góa, lí sim lih mā bē sóng-khoài. Nā sī lí soán hō͘ góa ê cha-bó͘, tō bē án-ne lah."

"Góa put-koán!" yi piàⁿ-sè kóng chi̍t-kù, oa̍t-bīn iū-koh kóng:

"Án-ne kóng mā bô m̄-tio̍h."

"He sī chi̍t-ē-á niâ. Bô-ì-bô-sù. Bô kú-tn̂g ê kám-chêng."

"Tio̍h. Khak-si̍t ta̍k-ê lóng sī án-ne. Góa chhut-sì tī Káng-khu. Chia sī un-chôaⁿ e̍k-tiûⁿ." ko͘-niû iōng thán-pe̍k ê kháu-khì kóng:

"Lâng-kheh tōa-pō͘-hūn sī lí-kheh, sui-bóng góa iáu sè-hàn, thiaⁿ-kòe kok-chióng lâng kóng, m̄-koán gōa-nī kah-ì, hit-tong-sî m̄-kóng kah-ì lí ê lâng, hō͘ lí hoâi-liām, hō͘ lí khǹg tī sim-koaⁿ. Lī-pia̍t liáu mā sī án-ne. Tùi-hong ū-sî siūⁿ khí lí, siá-phe hō͘ lí. Tāi-khài tō-sī án-ne."

Cha-bó͘ ùi thang-á-tâi khiā khí-lâi, chit-má khin-khin chē-lo̍h tī thang-á piⁿ ê tatami. Yi ê bīn-sek ká-ná sī tih hoâi-liām hūiⁿ-hūiⁿ ê kòe-khì, chiah hiông-hiông chē lâi Shimamura ê sin-piⁿ.

Cha-bó͘ ê siaⁿ-im chhiong-móa chin-si̍t ê kám-chêng, tian-tò hō͘ Shimamura kám-kak pháiⁿ-sè, ná ē chiah kín tō phiàn tio̍h yi.

--

11. 我袂揣你做 he lah

"少年 tō 好. 少年查某各方面攏較袂出差錯. 莫厚話 kah 討厭 tō 好. 免傷巧, 愛較清氣相 ê. 欲開講 ê 時, 我 tō 揣你."

"我袂 koh 來 ah."

"講 he 三八話."

"真 ê, 袂來 ah. 來遮創啥?"

"我想欲清清白白和你交陪, 袂揣你做 he lah."

"驚著."

"若發生彼種代誌, 凡勢明仔載 tō 袂想欲 koh 看著你, mā 無興趣和你開講 ah. Ùi 山頂落來這个庄, 難得拄著人, 感覺親切, 我袂揣你做 he lah. 總講, 我是一个旅客."

"Hmh, án-ne 無毋著."

"是 ah. 就你來講, he 若是你無佮意 ê 查某, 後改拄著我, 你心 lih mā 袂爽快. 若是你選予我 ê 查某, tō 袂 án-ne lah."

"我不管!" 她拚勢講一句, 越面又閣講:

"Án-ne 講 mā 無毋著."

"彼是一下仔 niâ. 無意無思. 無久長 ê 感情."

"著. 確實逐个攏是 án-ne. 我出世 tī 港區. 遮是溫泉浴場." 姑娘用坦白 ê 口氣講:

"人客大部份是旅客, 雖罔我猶細漢, 聽過各種人講, 毋管 gōa-nī 佮意, 彼當時毋講佮意你 ê 人, 予你懷念, 予你囥 tī 心肝. 離別了 mā 是 án-ne. 對方有時想起你, 寫批予你. 大概 tō 是 án-ne."

查某 ùi 窗仔台徛起來, chit-má 輕輕坐落 tī 窗仔邊 ê tatami. 她 ê 面色 ká-ná 是 tih 懷念 hūiⁿ-hūiⁿ ê 過去, chiah 雄雄坐來 Shimamura ê 身邊. 

查某 ê 聲音充滿真實 ê 感情, 顛倒予 Shimamura 感覺歹勢, 那會 chiah 緊 tō 騙著她.

--

11.

"Someone young. You're less apt to make mistakes when they're young. And someone who doesn't talk too much. Clean, and not too quick. When I want someone to talk to, I can talk to you."

"I'll not corne again."

"Don't be foolish."

"I said I'll not corne again. Why should I come again?"

"But haven't I told you it's exactly because I want to be friends with you that I've behaved so well?"

"You've said enough."

"Suppose I were to go too far with you. Very probably from tomorrow I wouldn't want to talk to you. I couldn't stand the sight of you. I've had to come into the mountains to want to talk to people again, and I've left you alone so that I can talk to you. And what about yourself? You can't be too careful with travelers."

"That's true."

"Of course it is. Think of yourself. If it were a woman you objected to, you wouldn't want to see me afterwards. It would be much better for her to be a woman you picked out."

"I don't want to hear any more." She turned sharply away, but presently she added: "I suppose there's something in what you say."

"An affair of the moment, no more. Nothing beautiful about it. You know that--it couldn't last." 

"That's true. It's that way with everyone who comes here. This is a hot spring and people are here for a day or two and gone." Her manner was remarkably open--the transition had been almost too abrupt. "The guests are mostly travelers. I'm still just a child myself, but I've listened to all the talk. The guest who doesn't say he's fond of you, and yet you somehow know is--he's the one you have pleasant memories of. You don't forget him, even long after he's left you, they say. And he's the one you get letters from."

She stood up from the window sill and took a seat on the mat below it. She seemed to be living in the past, and yet she seemed to be very near Shimamura.

Her voice carried such a note of immediate feeling that he felt a little guilty, as though he had deceived her too easily.

--


Saturday, April 10, 2021

10. I iang yi kiò chi̍t-ê gē-tòaⁿ | 伊央她叫一个藝旦

10. I iang yi kiò chi̍t-ê gē-tòaⁿ

Keh-kang ē-po͘, cha-bó͘ kā sé-e̍k ê ke-si khǹg tī cháu-lông, ji̍p-lâi i ê pâng-keng boeh khai-káng.

Yi tú boeh chē lo̍h-lâi, i hiông-hiông iang yi tàu-saⁿ-kāng, kiò chi̍t-ê gē-tòaⁿ lâi.

"Tàu-saⁿ-kāng?"

"Lí chai góa ê ì-sù lah."

"Chìn thó-ià! Bîn-bāng mā siūⁿ-bē-kàu, lí ē iang góa chò chit-lō tāi-chì!"

Yi khiā khì thang-á piⁿ, ná gia̍h-ba̍k bāng pian-kài têng-têng ê soaⁿ, put-kak bīn âng khí-lâi, kóng:

"Chia bô hit-chióng lâng."

"O͘-pe̍h-kóng."

"Chin ê lah," ná án-ne kóng, yi hut-leh oa̍t-sin hiàng i, chē tī thang-á-tâi, kóng:

"Che choa̍t-tùi bē-sái iōng kiông-chè ê. Lóng tio̍h ài chiàu gē-tòaⁿ ê ì-sù. Kheh-chàn bô thê-kiong chit-chióng ho̍k-bū. Lí nā m̄-sìn, chhōe lâng ti̍t-chiap mūi tō chai ah-lah."

"Iang lí thè góa chhōe lah."

"Góa sī án-nóa tio̍h thè lí chò che?"

"Góa boeh hām lí chò pêng-iú. In-ūi kî-thāi chò pêng-iú, chiah bô chhōe lí chò he."

"Án-ne hō-chò pêng-iú?" cha-bó͘ khì hō͘ siâⁿ tio̍h, kóng chhut thian-chin ê ōe, āu-piah sûi koh ke chi̍t-kù:

"Chiâⁿ chán. Lí kèng-jiân iang góa chò chit-lō tāi-chì."

"He ná ū sáⁿ? Peh-soaⁿ liáu sin-thé ióng-kiāⁿ kah. M̄-koh thâu hun-hun, náu tùn-tùn, tī chia hām lí kóng-ōe, mā kóng kah li-li lak-lak."

Cha-bó͘ tiām-tiām, ba̍k-chiu khòaⁿ kē. Shimamura kan-ta kek chi̍t-ê cha-po͘-lâng ê kāu-bīn-phôe, chin khó-lêng chit-ê cha-bó͘ koàn-sì lí-kái koh chiap-siū. In-ūi ba̍k-chiu-mo͘ kāu koh o͘, yi he khòaⁿ-kē ê ba̍k-chiu oa̍t-lú hián-chhut un-jiû, kiau-iām. Shimamura kim-kim kā khòaⁿ, cha-bó͘ ê thâu sió-khóa iô chi̍t-ē, bīn iū-koh âng khí-lâi, kóng:

"Nā án-ne, lí tō kiò chi̍t-ê lí kah-ì ê."

"He kám m̄-sī góa tih iang lí ê? Góa chho͘-chhù lâi-kàu chia, m̄-chai sáng khah súi."

"Lí sī kóng, ài khah súi ê?"

--

10. 伊央她叫一个藝旦

隔工下晡, 查某 kā 洗浴 ê 家私囥 tī 走廊, 入來伊 ê 房間欲開講.

她拄欲坐落來, 伊雄雄央她鬥相共, 叫一个藝旦來.

"鬥相共?"

"你知我 ê 意思 lah."

"Chìn 討厭! 眠夢 mā 想袂到, 你會央我做 chit-lō 代誌!"

她徛去窗仔邊, ná 攑目望邊界重重 ê 山, 不覺面紅起來, 講:

"遮無彼種人."

"烏白講."

"真 ê lah," ná án-ne 講, 她忽 leh 越身向伊, 坐 tī 窗仔台, 講:

"這絕對 bē-sái 用強制 ê. 攏著愛照藝旦 ê 意思. 客棧無提供這種服務. 你若毋信, 揣人直接 mūi tō 知 ah-lah."

"央你替我揣 lah."

"我是 án-nóa 著替你做 che?"

"我欲和你做朋友. 因為期待做朋友, 才無揣你做 he."

"Án-ne 號做朋友?" 查某去予唌著, 講出天真 ê 話, 後壁隨 koh 加一句:

"誠讚. 你竟然央我做 chit-lō 代誌."

"He 那有 sáⁿ? Peh 山了身體勇健 kah. 毋過頭昏昏, 腦頓頓, tī 遮和你講話, mā 講 kah li-li lak-lak."

查某恬恬, 目睭看低. Shimamura 干焦激一个查埔人 ê 厚面皮, 真可能這个查某慣勢理解 koh 接受. 因為目睭毛厚 koh 烏, 她 he 看低 ê 目睭越 lú 顯出溫柔, 嬌艷. Shimamura 金金 kā 看, 查某 ê 頭小可搖一下, 面又閣紅起來, 講:

"若 án-ne, 你 tō 叫一个你佮意 ê."

"He 敢毋是我 tih 央你 ê? 我初次來到遮, 毋知 sáng 較媠."

"你是講, 愛較媠 ê?"

--

10.

On her way to the bath the next afternoon, she left her towel and soap in the hall and came in to talk to him.

She had barely taken a seat when he asked her to call him a geisha.

"Call you a geisha?"

"You know what I mean."

"I didn't come to be asked that." She stood up abruptly and went over to the window, her face reddening as she looked out at the mountains. "There are no women like that here."

"Don't be silly."

"It's the truth." She turned sharply to face him, and sat down on the window sill. "No one forces a geisha to do what she doesn't want to. It's entirely up to the geisha herself. That's one service the inn won't provide for you. Go ahead, try calling someone and talking to her yourself, if you want to."

"You call someone for me."

"Why do you expect me to do that?"

"I'm thinking of you as a friend. That's why I've behaved so well."

"And this is what you call being a friend?" Led on by his manner, she had become engagingly childlike. But a moment later she burst out: "Isn't it fine that you think you can ask me a thing like that! "

"What is there to be so excited about? I'm too healthy after a week in the mountains, that's all. I keep having the wrong ideas. I can't even sit here talking to you the way I would like to."

The woman was silent, her eyes on the floor. Shimamura had corne to a point where he knew he was only parading his masculine shamelessness, and yet it seemed likely enough that the woman was familiar with the failing and need not be shocked by it. He looked at her. Perhaps it was the rich lashes of the downcast eyes that made her face seem wann and sensuous. She shook her head very slightly, and again a faint blush spread over her face.

"Call any geisha you like."

"Bur isn't that exactly what I'm asking you to do? I've never been here before, and I've no idea which geisha are the best-looking."

"What do you consider good-looking?"

--


Friday, April 9, 2021

9. Hit-ê cha-bó͘ te̍k-pia̍t chheng-khì-siùⁿ | 彼个查某特別清氣相

9. Hit-ê cha-bó͘ te̍k-pia̍t chheng-khì-siùⁿ

Shimamura jīn-ûi, che ōe bô khó-khò, tō bô kā khǹg tī sim-lāi. Tāi-khài kòe chi̍t-tiám-cheng, lú-tiong kā cha-bó͘ chhōa lâi, Shimamura gāng chi̍t-ē, kín chē hō͘ hó-sè. Cha-bó͘ kā khiā khí-lâi tō boeh kiâⁿ-khui ê lú-tiong giú tiâu, chhiáⁿ yi koh chē lo̍h-lâi.

Hit-ê cha-bó͘ hō͘ lâng ê ìn-siōng sī te̍k-pia̍t chheng-khì-siùⁿ, sīm-chì kha chéng-thâu-á té ê oan-khiau mā chheng-khì liu-liu. Shimamura soah hoâi-gî, che sī-m̄-sī in-ūi i ê ba̍k-chiu tú khòaⁿ kòe chho͘-hā soaⁿ-niá ê iân-kò͘.

Yi ê chhēng-chhah sui-bóng ū tām-po̍h gē-tòaⁿ ê khoán-sè, m̄-koh saⁿ-á-ki bô thoa kàu tē-pán. Yi chhēng chi̍t-niá chin ha̍h-su, jiû-núi ê po̍h-saⁿ. M̄-koh he io-tòa bô sù-phòe, ká-ná sī koân-kè ê mi̍h-kiāⁿ, án-ne tian-tò hō͘ lâng sió-khóa m̄-kam.

In khai-sí tih kóng soaⁿ ê ōe-tê ê sî, lú-tiong tō khiā khí-lâi, kiâⁿ chhut-khì. M̄-koh, liân ùi chng-lih khòaⁿ ē-tio̍h ê kúi-lia̍p soaⁿ ê miâ, yi mā m̄-chai, Shimamura kám-kak bô hèng lim-chiú ê khì-hun, yi tō thán-pe̍h kóng yi ê sin-sè. 

Yi pún-chiâⁿ chhut-sì tī chit-ê Seh-kok, tī Tokyo chiú-tiàm chò chiú-lú ê sî, ū-lâng kā sio̍k-sin chhut-lâi, goân-pún phah-sùiⁿ chiang-lâi boeh chò chi̍t-ê Ji̍t-pún bú-tō sai-hū, khò he seng-oa̍h, m̄-koh kòe chi̍t-tang-pòaⁿ, hit-ê cha-po͘ tō sí khì ah. Hoān-sè hit-lâng sí-liáu kàu taⁿ, chiah sī yi chin-chiàⁿ ê sin-sè, m̄-koh chiah-ê yi iū bô kóng kah chin thán-pe̍h. 

Yi kóng yi cha̍p-káu hòe. Nā bô pe̍h-chha̍t, chit-ê cha̍p-káu hòe ê cha-bó͘ khòaⁿ khí-lâi ná-chhiūⁿ ū jī-cha̍p it/jī ah. Shimamura chiah sió-khóa kám-kak khah an-sim, tō khai-sí hām yi kóng-khí kabuki (歌舞伎) ê tāi-chì. Yi pí i koh-khah liáu-kái pâi-iu ê gē-hong hām siau-sit. Hoān-sè yi giàn boeh ū chit-chióng kóng-ōe-phōaⁿ, piàⁿ-sèⁿ-miā kóng ah kóng, soah thán-pe̍k hián-chhut ian-hoa cha-bó͘ ê pún-sèng, ká-ná chin lia̍h ē-tio̍h cha-po͘-lâng ê sim-lí. 

Put-jî-kò, Shimamura khí-thâu tō seng kā tùi-hong khòaⁿ chò sò͘-jîn, iū-koh chiang-kīn chi̍t-lé-pài bô hām pa̍t-lâng hó-hó kóng-ōe, sim-lāi un-chêng móa-móa, tō tùi yi liû-lō͘-chhut iú-chêng. I tùi soaⁿ ê kám-siang mā ta̍t-kàu cha-bó͘ ê hûn-su.

--

9. 彼个查某特別清氣相

Shimamura 認為, 這話無可靠, tō 無 kā 囥 tī 心內. 大概過一點鐘, 女中 kā 查某 chhōa 來, Shimamura 愣一下, 緊坐予好勢. 查某 kā 徛起來 tō 欲行開 ê 女中搝牢, 請她 koh 坐落來.

彼个查某予人 ê 印象是特別清氣相, 甚至跤指頭仔底 ê 彎曲 mā 清氣溜溜. Shimamura 煞懷疑, 這是毋是因為伊 ê 目睭拄看過初夏山嶺 ê 緣故.

她 ê 穿插雖罔有淡薄藝旦 ê 款勢, 毋過衫仔裾無拖到地板. 她穿一領真合軀, 柔 núi ê 薄衫. 毋過 he 腰帶無四配, ká-ná 是懸價 ê 物件, án-ne 顛倒予人小可毋甘.

In 開始 tih 講山 ê 話題 ê 時, 女中 tō 徛起來, 行出去. 毋過, 連 ùi 庄 lih 看會著 ê 幾粒山 ê 名, 她 mā 毋知, Shimamura 感覺無興啉酒 ê 氣氛, 她 tō 坦白講她 ê 身世. 

她本成出世 tī 這个雪國, tī Tokyo 酒店做酒女 ê 時, 有人 kā 贖身出來, 原本拍 sùiⁿ chiang 來欲做一个日本舞蹈師傅, 靠 he 生活, 毋過過一冬半, 彼个查埔 tō 死去 ah. 凡勢彼人死了到今, 才是她真正 ê 身世, 毋過 chiah-ê 她又無講 kah 真坦白. 

她講她十九歲. 若無白賊, 這个十九歲 ê 查某看起來 ná 像有二十一二 ah. Shimamura 才小可感覺較安心, tō 開始和她講起 kabuki (歌舞伎) ê 代誌. 她比伊閣較了解俳優 ê 藝風和消息. 凡勢她癮欲有這種講話伴, 拚性命講 ah 講, 煞坦白顯出煙花查某 ê 本性, ká-ná 真掠會著查埔人 ê 心理. 

不而過, Shimamura 起頭 tō 先 kā 對方看做素人, 又閣 chiang 近一禮拜無和別人好好講話, 心內溫情滿滿, tō 對她流露出友情. 伊對山 ê 感 siang mā 達到查某 ê 魂軀.

--

9.

An odd story, Shimamura said to himself, and dismissed the matter. An hour or so later, however, the woman from the music teacher's came in with the maid. Shimamura brought himself up straight. The maid started to leave but was called back by the woman.

The impression the woman gave was a wonderfully clean and fresh one. It seemed to Shimamura that she must be clean to the hollows under her toes. So clean indeed did she seem that he wondered whether his eyes, back from looking at early summer in the mountains, might not be deceiving him.

There was something about her manner of dress that suggested the geisha, but she did not have the trailing geisha skirts. On the contrary, she wore her soft, unlined summer kimono with an emphasis on careful propriety. The obi* seemed expensive, out of keeping with the kimono, and struck him as a little sad. [* obi: The sash with which a kimono is tied. A woman's obi is wide and stiff, a man's narrower and usually softer.]

The maid slipped out as they started talking about the mountains. The woman was not very sure of the names of the mountains that could be seen from the inn, and, since Shimamura did not feel the urge to drink that might have come to him in the company of an ordinary geisha, she began telling of her past in a surprisingly matter-of-fact way. 

She was born in this snow country, but she had been put under contract as a geisha in Tokyo. Presently she found a patron who paid her debts for her and proposed to set her up as a dancing teacher, but unfortunately a year and a half later he died. When it came to the story of what had happened since, the story of what was nearest to her, she was less quick to tell her secrets. 

She said she was nineteen. Shimamura had taken her to be twenty-one or twenty-two, and, since he assumed that she was not lying, the knowledge that she had aged beyond her years gave him for the first time a little of the ease he expected to feel with a geisha. When they began talking of the Kabuki, he found that she knew more about actors and styles than he did. She talked on feverishly, as though she had been starved for someone who would listen to her, and presently began to show an ease and abandon that revealed her to be at heart a woman of the pleasure quarters after all. And she seemed in general to know what there was to know about men. 

Shimamura, however, had labeled her an amateur and, after a week in the mountains during which he had spoken to almost no one, he found himself longing for a companion. It was therefore friendship more than anything else that he felt for the woman. His response to the mountains had extended itself to cover her.

--


Seh-Kok Bo̍k-lo̍k | 雪國目錄

Kawabata Yasunari: Seh-kok 川端康成: 雪国 主要參考 ê e̍k-pún Hôa-bûn: 雪國 (m̄-chai e̍k-chiá) Eng-bûn: Snow Country: Edward G. Seidensticker (e̍k-chiá) ...